有時真係唔明點解啲人咁狠心遺棄佢哋，當你去到狗場，見到佢哋冇一個淨係愛佢哋一個嘅人，震住咁渡過每一個好凍好黑嘅夜晚，望住佢哋空洞又絕望嘅眼神，想像下已經好想喊。
養寵物係好大責任，但如果已經立定決心，經濟同心理都準備好嘅情況下，希望你哋可以領養，其實成貓成狗都好靚好乖㗎！
另外雖然都唔少名種貓名種狗被遺棄，大家可能見到名種貓狗都眼前一亮，但都希望大家俾個機會望吓唐貓同唐狗，佢哋都好聰明同好靚㗎！
如果大家有心有力，都可以捐助下 阿棍屋 ，又或者有時間去做義工，幫佢哋做吓清潔同埋陪狗狗散步，你諗吓咁多隻狗，唔夠義工嘅話，可能一個月淨係出到幾次街㗎咋！
而我嗰日揀嘅肥仔，個個話佢好多精力，雖然最初係威係勢，但最後比我陪佢跑到自己走返入個籠度！跑到佢夠晒皮，哈哈！
#領養不棄養
#領養代替購買
#一齊貼吓自己領養嘅毛孩子啦
Search